आर.के. श्रीवास्तव, रौतहट, कार्तिक ३
मधेश प्रदेशका मुख्यमन्त्री जितेन्द्र सोनलले दीपावलीको पावन अवसरमा सम्पूर्ण नेपाली दाजुभाइ तथा दिदीबहिनीहरूलाई सुख, शान्ति र समृद्धिको शुभकामना व्यक्त गरेका छन्।
मुख्यमन्त्री सोनलले आइतबार जारी गर्नुभएको शुभकामना सन्देशमा “शुभं करोति कल्याणमारोग्यं धनसंपदा । शत्रुबुद्धिविनाशाय दीपज्योतिर्नमोस्तुते ॥” भन्ने वैदिक श्लोक उद्धृत गर्दै दीपावलीले सबैमा स्वास्थ्य, समृद्धि र शुभबुद्धिको विकास गराओस् भन्ने आशा व्यक्त गरेका छन्।
उहाँले मधेश प्रदेशसहित देश तथा विदेशमा रहनु भएका सम्पूर्ण नेपालीहरूमा दीपावली–२०८२ ले आपसी सद्भाव, सहअस्तित्व र एकताको भावना प्रवर्द्धन गर्ने विश्वास व्यक्त गरेका छन्।
प्रकाशको पर्वका रूपमा मनाइने दीपावली अन्धकारमाथि उज्यालो र असत्यमाथि सत्यको विजयको प्रतीकका रूपमा स्थापित छ। यस सन्दर्भमा मुख्यमन्त्री सोनलको सन्देशले समाजमा आपसी समझदारी र सहिष्णुताको संस्कृतिलाई बलियो बनाउन सहयोग पुर्याउने विश्वास गरिएको छ।
